احتياجات العروس المصرية قبل الزفاف

أولا احتياجات المطبخ

- شنطة سكاكين

- شنطة ملاعق غير الملاعق الفردانى لاستخدامات المطبخ

- 2 طقم توزيع واحد للسفرة والاخر بلاستيك معالج للتيفال

- الحلل افضل التيفال والاستانلس والبيركس جميل جدا فى الاستعمال

- 2 صوانى بيتزا

- 2 صوانى للحلويات

- 2 صوانى للخضار

- منخل استانلس

- ماكينة بيتى فور

- حله بخار لعمل الكسكسى

- حلل حفظ الطعام لمدة 24 ساعة سخن او بارد

- رفايع الومنيوم
( غلاية لبن - 2 طاسه ب÷حجام مختلفة - طقم كنك للقهوة - 2 براد شاى واحد صاج والاخر بايركس -كسارولة )

- طقم صوانى تقديم

- طبق فاكهة كريستال

- شيالة كعك

- طقم بهارات

- طقم اطباق اركوبال استعمال المطبخ

- طقم اطباق صينى معتبر وفخم للعزايم و المناسبات

- 3 طقم كاسات للعصير شيك

- 3 طقم اكواب للشربات

- 2 طقم فناجين شاى

- 2 طقم اكواب ماء مدهبين او شكل شيك على زوقك

- ومتنسوش رفايع المطبخ
( فوط مطبخ - مريلة مطبخ - بلاستيكات لغسيل الخضار
- مانعة فوران اللبن - مصفاه للخضار - مصفاه للشاى - مبشرة - مأورة - مقلاة بطاطس - فرش دهان الصوانى - ليف مواعين - ولاعة - قطاعة خشب للخضروات )

-طقم ثلاجه (بيكون مكون من 3 او 5 قطع) صاج للبواقي الخاصة بالاكل غطاءه بلاستيك

- بويلر بالكهرباء احسن للحصول على ماء مغلى لكل استخدماتك

بس اللي السخان بتاعه مش باين اصح لكم

-طاسه لقليه البطاطس والفراخ ( غويطة )
-اطباق للجلي والرز بللبن

-شفشق للمطبخ بلاستيك واخر للسفرة

-اطباق جاتوة لو الطقم الاساسي مفهوش
-برطمانات بلاستيك للدقيق - البهارات الزياده
-علب جبنه (5 كفايه بمقسات مختلفه) ويفضل المستطيل منه

-قطاعه بطاطس شيبسي

-قطاعه بيتزا (او سكينه الجلاش) شبه سكينه المعجون انا عن نفسى طقم الملاعق كان فيه قطاعة للبيتزا

- 2 مصفه بلاستك بحجمين وجيبي واحده ضيقه عشان المكرونه واالرز
- مسن وده لو مش موجود مع طقم السكاكين

-هون

-كيس غساله عشان الشرابات
-عصارة برتقال

- هراسه ثوم

-صفايه معالق للحوض

-مقص سمك

- ادوات نضافه(جردل مساحه مكنسه خشنه ومنشه ناعمه وفرشه وجروف وفرشه شيش ناعمه وفرشة لغسل السجاد وجردل زبالة وسبت غسيل ومشابك غسيل خشب وبلاستيك لللانجيري عشان ماتعلمش فيها )

-شوايه للحمه فوق البوتاجاز هي 45 حنيه لو بتحبي الشواء

- مخرطة ملوخية
مغرفة ايس كريم

كاسات ايس كريم طبعا

جوانتى بلاستيك ( لزوم الدلع فى غسل الأطباق

ساعة المطبخ

ميزان للمطبخ

طقم اطباق الشوربة
مطبقية فوق الحوض
ونشابه لفرد العجين

طقم ميلامين للاستخدام فى المطبخ

طقم صينى

طقم اركوبال ابيض

طقم اركوبال مشمشى

طقم بيركس

طقم توابل كبير

طقم توزيع

طقم كاكاو

طقم قهوة او 2

اطقم كاسات للنيش وللمطبخ

طقم خشاف

طقم شربات

طقم سكاكين

طقم ملاعق ده بجانب شنطة الملاعق للاستخدام

ثانيا\الفرش

مفرش صيفى

مفرش قطيفه او شتوى

بطانيه ممكن 2

لحاف فايبر

كوبرته برده او اتنين لانها بتكون عمليا واستخدامها كويس

ممكن داربيه بس انا مش بحبها وحاسه ان مش ليها استخدامات قوووى

8 الملايات ساده مطرزين

ملايات مشجره زى ماتحبى العدد بس ده هتبتدى تستخدميها لما تجيبى اولاد يعنى مش هتستخدميها فى اول الجواز

ملايات لسرير الاطفال

برنس ليكى وليه بلوازمه

2بشكير

فوط مقاسات العد زى ما تحبى وخدى باللك ان الفوط القطيفه مش بتنشف كويس بس شكلها بيكون حلو فى اول الجواز بس مش تجيبى منها كتير

الستائر

السجاد والافضل ان السجاد ميكونش مقاسه كبير عشان متتعبيش فى شيله وفرشه

فازات وانتيكات وصور ايات قرأنيه او مناظر طبيعيه

ورد اخضر وورد للفازات فى حجرة الانتريه والسفره والنوم فازه بورد بس تكون سيمبل

اولا: ملابس البيت
زى البيجامات –
قمصان نوم –
بيجامات وقمصان نوم قطن-
. الملابس الداخلية القطن و اللى بالى بالك –
. باديهات حمالات وكات
. وبنطلونات باجى وقطن
. الشورتات بتبقى حلوه قوي
الفساتين البناتي القصيره بتبقى ظريفه وعمليه
عبايات بيتى لاستقبال الضيوف وخصوصا الاهل
الباديهات الكات والحمالات وكمان نص كم جميع الالوان -ومتوفرة فى روكسى وكمان رخيصة يعنى ممكن مثلا تجيبى 10 كات و10 حمالات

البنطلونات الباجى والكتان اللى نازلة على الوسط (الواسعة) وكمان البنطلونات البرمودة برضة هاتى منهم الوان زى الاسود والبيج والزيتى علشان يليق مع معظم الالوان

الشورتات القطن والاسترتش جميع الالوان وكلها بتنفع فى البيت

الفساتين القصيرة اللى فوق الركبة زى بتاعة الاطفال ودية تحفة فى البيت لان العروسة لازم تغير فى نوعية لبسها علشان الراجل لازم يشوف الجانب الطفولى فيها وخصوصا لو عاملة ضفيرتين او قطتين

فية كمان اطقم مكونة من بنطلون قطن استرتش طويل شارلستون وعلية بادى بكم طويل وبسوستة من النص والحاجات دية بتنفع لما يكون حد جايلك زى مامتك او اخواتك او اخواتة مثلا اوحتى اصحابك

البيجامات الشورت والطويلة القطن مهمة جدا يعنى هاتى 3 من دول و3 من دول.

قمصان النوم القصيرة فوق الركبة والطويلة القطن وكمان يكون منها الكات والحمالة والنص كم يعنى نوعى

الملابس الداخلية القطن زى
- الاندر وير بالوان واشكال مختلفة وكثيرة
- البرا برضة الوان مختلفة
- وكمان فية اطقم من قطعتين قطن حلوة جدا

الشباشب للبيت 2 للحمام 3 للضيوف 2 للبيت
بالنسبة لقمصان النوم اللى بالى باللك

قمصان نوم ستان طويلة باشكال والوان مختلفة ممكن عدد6 مثلا
البيبى دول عدد10 مثلا
روب عدد3
بيجامات ستان عدد6
والاندر وير الاشكال المختلفة اللى انتوا عارفينها والاطقم المكونة من قطعتين

تحياتي

تحفة يسلموا

دوق راقي

شكرا على الموضوع