بسبوسة الطبقات بشكل جديد روعة

السلام عليكم جبتلكم وصفة تشبه البسبوسة شفتها فى واحد المنتدى عجبتنى وطبقتها انا شاء انتما ثانى تعجبكم وربى يجازى مولاتها كل خير
المقادير
2كيسان ونصف سميد متوسط
كاس ونصف فرينة
كاس سكر
كاس زيت
4مغارف ماء الزهر
1خمارة
ملعقة صغيرة خميرة الخبز



الماء لجمع العجينة
المواد الناشفة نزيد الزيت ثم الماء الزهر ونجمع بالماء اجى كما تاع المقروط حتى واذا جرتلك شوية خليها تشرب ماها
نقسم العجينة الى 2كرات نحل الاولى فى سنيوة ونفرش فوقها الحشوةاللى هي
كاس كوكاو
نص كاس سميد
ربع كاس نوادكوكو
4مغارف سكر
مغرفة صغيرة قرفة +لافانى

انا استعملت نصف الكمية ماكانش عندى بزاف الكوكاو
نزيد نحل الكرة الثانية ونحطها فوق الحشوة نذر ى شوية كوكاو من فوق انا عوضتوا بنوادكوكو
دخليها اطيب على 180د كتحمارمن تحت ولجوانب نشعل من فوق ونسقيها بشربات اللى
كاس ماء + كاس سكر نص حبة قارص نضيفولها 2مغارف عسل ونسقوا بها الة ونزينها من فوق بالكوكاو ولا نوادكوكو الشى اللى عندك نخلوها تبرد ونقسمها











ان شاء الله تعجبكم وجربوها

ماشاء الله باينة بنينة 
عائلتي تموت اعليها سوف اجربها اوكي