عدد المساهمات : 1302 الموقع : https://assil.mam9.com/ تاريخ التسجيل : 02/11/2013 نقاط : 3394 السٌّمعَة : 3
موضوع: قاطو نص بنص رااااائع شكلا وذوقا تفضلوا الأحد أغسطس 03, 2014 2:32 pm
بسم الله الرحمان الرحيم
السلام عليكم غالياتي
وصفة اليوم جديدة وذوقها راااائع يمكن تحضيرها في المناسبات والافراح .هذا الوصفة لاخت تعلمتها من عند واحدة مختصة في اليات جزاها الله كل خير وانا بدوري جربتها وصورتلكم المراحل ان شاء الله تنال اعجاب الجميع.
.
المقادير:
500غ مرقرين كاس سكر رطب 7 صفار بيض والبياض نحتفظ به في المجمد ممكن نعمل به المورانغ لي سبق وحطيتها كاس كاوكاو محمص ومرحي خشين نص كاس جلجلان نصف كاس نواد كوكو 2 م ك كا كاو وهذا اختياري ممكن نترك العجينة بيضا 1 خميرة فرينة نحتاج ايضا شكولة طلية معجون كاوكاو
الطريقة: نخلط السكر مع المرقرين بالباتور جيدا ثم نضيف الصفارونستمر في الخلط ثم الكاوكاو والجلجلان والنواد كوكو والخميرة ونلم بالفرينة حتى نتحصل على عجينة مثل عجينة الصابلي مالازمش تكون يابسة باه نقدر نشكلها
نشكل كويرات بحجم 28غ
ونضغط شوية بالكف او اصابع اليد حتى نتحصل على شكل يشبه نوعا في حبة الفرولة او بيضة صغيرة
.
ندخلها للفرن تطيب على 180درجة راح يزيد حجمها وراح نلاحظ انها تشققت نوعا ما نوغمال لان فيها جلجلان حب وكاوكاومدشش مع الخميرة تتشقق شوية نخليه تبرد تماما
هذا شكلها بعد ماطابت شكلها اصبح يشبه نوعا ما البيضة
.
الان نقوم بتحضير الطلية ناخذ بياض نخفق شوية بالشوكة ونضيف الفاني والسكر الرطب لي كنا غربلناه قبل وشوية ملون ابيض حتى نتحصل على طلية نزين بها الى نحطها في لابوش ادوي
.
من جهة نذوب الشكولة على حمام مائي ونضيفلها شوية حليب ونحرك نغطس حبة الى في الشكولة مانغطسهاش كامل حوالي ثلاثة ارباع من طول الحبة وقبل ماتجف الشكولة نشكل خطوط بالطلية لي حضرناها
.
بواسطة كوردون نعطيها شكل مثل الميلفاي
نكمل باقي الى ونخليها تجف من بعد بالبانسو ندهن الجزء المتبقى بالمعجون مالازمش نخفف المعجون بماء الزهر نخلوه ثقيل لان العجينة مافيهاش بزاف السكر بعد ماندهن بالمعجون ونزين بالكاوكاو نقدم في ليكيسات
.
عن قرب
]
].
تجي هشوشة وذوق الشكولة مع الكاوكاوالجلجلانية امممممممم
.
ان شاء الله تعجبكم الى وتجربوها
ملاحظة:
هذا الكمية تقطع حوالي 60حبة
في امان الله
maria19 مشرفة العامة
عدد المساهمات : 354 الموقع : البويرة تاريخ التسجيل : 13/05/2014 نقاط : 370 السٌّمعَة : 2 العمر : 24
موضوع: رد: قاطو نص بنص رااااائع شكلا وذوقا تفضلوا الإثنين أغسطس 04, 2014 3:07 pm
اليومية
موضوع: قاطو نص بنص رااااائع شكلا وذوقا تفضلوا 
الأحد أغسطس 03, 2014 2:32 pm
يات جزاها الله كل خير وانا بدوري جربتها وصورتلكم المراحل ان شاء الله تنال اعجاب الجميع.
