عدد المساهمات : 466 تاريخ التسجيل : 18/06/2014 نقاط : 960 السٌّمعَة : 0
موضوع: السلطة لي درت لضيافي الإثنين يونيو 30, 2014 1:58 pm
الحبيبات ديالي هادي سلطة كنت درتها فواحد العراضة وبقاو عندي الصور ديال الوصفة فقلت اليوم علاش ما نزلهاش على الله نفيد شي وحدة من الأخوات بالي قدرني عليه الله وخا عارفكم ماشاء الله ما تحتاجوش ما كاين تبارك الله غير الحادكات الله يحفضكم ويعطيكم الصحة على وصفاتكم المختلفة
المهم الحبيبات ديالي أنا غدي نعطيكم المقادير والطريقة فنفس الوقت وغير قبلو علياأول حاجة خديتالبطاطا قطعتها طراف وصلقتها فشوية الملحة ودرت لها شوية القزبر والمعدنوس وشوية الكامون والبزار وزيت البلدية وخديت القوق درتو يتسلق حتى هو فشوية الملحة بالحق فالكوكوط حيت كياخد شوية الوقت ومنين تسلق قسمتو على جوج وخويتو شوية من الشعيرات لي فيه باش يصلاح ليا نعمروا
وبالنسبة للعمارة ديالو درت فيها غير الفرماج متلت والسوريمي مع شوية القزبر والمعدنوس بحال هاد الشكل ومنين نبغي نديرو فطبسيل التقديم ندير فوقوا شوية الفرماج محكوك
كنصلقالباربا واللوبيا الخضرة وندير لهم نفس التوبيل لي متكونين من القزبر والمعدنوس و2 فصوص توم محكوكين وشوية الملحة وأبزار وزيت بلدية والخل
كنخد الجزر كنصلقوبالحق بالقلب ديالو كيعطي منضر زوين وحتى هو ونضيف ليه نفس التوابللي متكونين من القزبر والمعدنوس و2 فصوص توم محكوكين وشوية الملحة وأبزار وزيت بلدية والخل ولمكورلي فيه هاد جوج ألوان كنقطعو صغير ونخلطو بالمايونيز
كنغسل الخص ونخليه ينشف ونسلقالبروكلي فشوية الملحة ونشرملو حتى هو فشوية الشرمولة لي درت للخضر ونغسل الفجلونخليه باش نزين بيه
وخديتشومبينيو معلب درتو ف مقيلة فيها شوية الزيت البلدية والقزبر والمعدنوس وشوية الملحة والإبزار وخليتو يتشحر مزيان وخديتالصوجا معلبة حتى هي كيجي المداق ديالها زوين وعاد الفوائد ديالها خليتها تسقطر من لماء ديالها ومعاهم الدرة معلبة
وخديتروز كلاصي ديال السلطات صلقتو وزدت عليه المايونيز والطون والدرة
بالنسبة للتزين ستعملت بيض السمان والسوريمي وطماطم صغيرة وفرماج سندويش والسلمون مدخن
أما طريقة المونتاج فالصور تشرح لكم أكتر وخا لأسف الطبسيل عندي ما كبيرش هاد سلاد كتبغي صحن تقديم كبير كبير حيت فيها مكونات كتار وديك ساعة كيبقى لكل وحدة تدير الديكور لي يعجبها المهم كتجي متنوعة وفيها ألوان كتيرة ومداق غزال
سمحولي على الصور راهم غير من الكوزينة راكم عارفين الروينة ديال لعراضات هاد الشي ما كان نتمنى تكون الطريقة ديالي وصلاتكم وفهمتوا الشرح ديالي وغير قبلو عليا اللهم أدمها نعمة واحفضها من الزوال يا رب وما تنسونيش بشي دعوة ديال الخير دمتم في أمان الله[/size]
اليومية
موضوع: السلطة لي درت لضيافي 
الإثنين يونيو 30, 2014 1:58 pm
